Sunday, March 10, 2013

சென்னையில் இருபது நாட்கள்:

சென்னையில் இருபது நாட்கள்:

எனது கல்லூரி இறுதி ஆண்டு ப்ராஜெக்ட்திற்காக,கடந்த 10/02/13 அன்று சென்னை கிண்டியில் வந்து இறங்கினேன், இது என்னுடைய ஏழாவது சென்னை பயணம்.

சென்னை மக்களிடம் நான் கற்றுக்கொண்டதும்,பெற்றுக்  கொண்டதும்:

சென்னை மக்களிடம் எனக்கு பிடித்த ஒன்று அவர்களின் சுறுசுறுப்பு, 
அவரவர் தனது வேலையை பார்த்துக் கொண்டு போய்க்கொண்டே இருகின்றார்கள், யாரும் யாரையும் கண்டு கொள்வதில்லை,

எனது அனுபவத்தில் நான் சென்னை மக்களிடம் இருந்து நிறையவே கற்று கொண்டேன், 
ஒருநாள் காலை 5 மணிக்கு சென்னை மவுண்ட் ரயில் நிலையத்தில் இருந்து கோடம்பாக்கம் செல்வதற்காக தொடர்வண்டி பயணசீட்டு 
எடுக்க ரயில் நிலையத்தில் வரிசையில் காத்திருந்தேன், காலை 5 மணிக்கெல்லாம் இவ்வளவு மக்கள் அவரவர் பணியை துவக்குகின்றார்கள். இவர்களின் சுறுசுறுப்பு என்னை மிகவும் அதிகமாக ஈர்த்தது.  

சென்னை மக்களிடம் இருந்து நான் பெற்றுக்  கொண்டதும்:

எனக்கு எந்த ஒரு இடத்திற்கு செல்வதற்கும் வழி தெரியவில்லை என்று  விழித்த போது,நான் வழி கேட்ட நபர்கள் அனைவரும் வழி கூறினார்கள் .


அண்ணாச்சி கடை:

ஊருக்கு திரும்ப வரும்போது  அண்ணாச்சி கடைக்கு(சரவணா ஸ்டோர்) நானும் எனது நண்பனும் சென்றோம், அண்ணாச்சி கடையில் customer தேவையை  அறிந்து அனைத்து பொருள்களையும் குவித்து வைத்து உள்ளார்கள், விலையும் நமது பட்ஜெட்டிற்கு ஏற்றாற்போல் உள்ளது,

இறுதியாக சென்னையைப் பற்றி என்னுடைய சிறு கவிதை:

வந்தாரை வாழ வைக்கும் தமிழகம் 

"பிழைக்க வந்தாரை கரை சேர்ப்பதில் சென்னை ஒரு சரித்திரம்" 

தமிழகத்தின் தலைநகரம் 

"இன்று பல இளைய தலைமுறைகளின் வசிப்பிடம்" 

கல்வி கற்றோர்க்கு சென்ற இடமெல்லாம் சிறப்பு 

"சென்னையை நம்பி வந்தோர்க்கு வாழ்வில் ஏற்றம் தரும் ஊர் என்பது தனிச் சிறப்பு"